«давлат активларини бошқариш агентлиги» тегли мақолалар
Humo тўлов тизими барибир хусусийлаштирилади
Президент қарори билан Humo тўлов тизимидаги давлат улуши сотувга чиқарилади. Ноябрь ойининг охирида ундаги давлат улуши Давактивга ўтказилганди ва ўшанда гап процессинг марказини хусусийлаштириш билан боғлиқ эмаслиги айтилганди.
Paynet`нинг таъсисчиси ўзгарди. Тўлов хизматининг янги эгаси ким?
Paynet тўлов хизматини бошқарувчи Uzpaynet компанияси таъсисчиси ўзгарди. Давлат активларини бошқариш агентлиги балансидаги 100 фоиз давлат улуши New Industrial Technologies`га ўтказилди. Давактив хусусийлаштириш жараёни бўйича яна расмий хабар бермади.
Ўзбекистонда давлат мулкини хусусийлаштириш бўйича янги дастур ишлаб чиқилди
Президентга 2024 йилги хусусийлаштиришнинг янги дастури тақдим этилди. Унда 250 га яқин объектнинг давлат улушлари, мингга яқин кўчмас мулк объектлари ва 12 та корхонанинг оммавий савдоларга чиқарилиши кўзда тутилган. Сотилмай қолган ер участкаларининг нархи босқичма-босқич пасайтирилади.
Ўзбекистондаги энг йирик компания — НКМКнинг 2 фоиз акциялари Давактив балансига ўтказилди
Давлат активларини бошқариш агентлиги ўз балансига Ўзбекистондаги энг йирик компания — Навоий кон-металлургия комбинатининг 2 фоиз акциясини олди. Ўтган йилларда компанияни қисман хусусийлаштириш режалари ҳақида хабар берилган эди.
«Ўзбекнефтгаз»нинг Petroleum Technology Group`га ўтказилган «заправка»лари қанча турарди?
Данияр Камиловнинг Petroleum Technology Group компаниясига тегишли 80 та «Ўзбекнефтгаз» ёқилғи қуйиш шохобчаларининг нархи камида 100 миллион долларни ташкил қилиши мумкин (ер нархидан ташқари). Давактив ва «Ўзбекнефтгаз» ҳалигача келишув тафсилотларини ошкор қилмади.
«Шарқ» нашриёти бинолари Моддий маданий мерос объектлари рўйхатидан чиқарилди
Тошкент шаҳар Буюк Турон кўчаси 41-уйда жойлашган «Шарқ» нашриёт-матбаа корхонаси бинолари Моддий маданий мероснинг кўчмас мулк объектлари миллий рўйхатидан чиқарилди. Вазирлар Маҳкамасининг 2024 йил 15 январдаги қарори билан Миллий рўйхатга тегишли ўзгартириш киритилган.
«Пахтакор» футбол клубини сотиш вақтинча тўхтатилди
Давлат активларини бошқариш агентлиги жамоатчилик фикрини ўргангач, «Пахтакор» футбол клубини вақтинча савдодан чиқарди. Аввалроқ блогерлар клуб ва 24 гектар майдонда жойлашган стадионни бирга сотмасликни таклиф қилганди.
«Пахтакор» футбол клуби сотувга қўйилди
Давактив «Пахтакор футбол клуби» МЧЖнинг 100 фоиз давлат улуши савдога чиқарилганини маълум қилди. Клубнинг янги эгаси академия ва клуб фаолиятини давом эттириши, клуб балансидаги барча спорт объектларидан, жумладан, футбол майдонидан фақатгина спорт фаолияти йўналишларида фойдаланиши керак бўлади.
Давактив: Риэлторлик тўғрисидаги қонун кўчмас мулк эгаларининг ўзи мустақил тузадиган битимларига нисбатан татбиқ этилмайди
Давактив риэлторлик хизмати тўғрисидаги қонун лойиҳаси бўйича фикрларга муносабат билдириб, унинг 3-моддасида тартиб кўчмас мулк мулкдорларининг ўзлари мустақил тузадиган битимларига нисбатан татбиқ этилмаслиги белгилаб қўйилганини таъкидлади. Қонун лойиҳасининг 27-моддаси қайта ишланади.
Humo тўлов тизимининг устав капиталидаги давлат улуши тўлиқ Давактив агентлигига ўтказилади
Humo тўлов тизимидаги давлат улуши тўлиқ Давлат активларини бошқариш агентлигига ўтказилади. Uzcard`га рақобатчи сифатида ташкил этилган миллий процессинг марказининг бундай ўзгариши тушунтирилмаган.
«Шарқ» мажмуасининг қайси бинолари маданий мерос объекти экани текширилади
Давлат активларини бошқариш агентлиги «Шарқ» нашриётининг қайси бинолари маданий мерос объекти эканини аниқлаш бўйича Маданий мерос агентлиги билан келишиб олди. Агентлик ЎзА биноси бундай объект эмаслигини, лекин унинг ташқи кўринишини сақлаб қолиш хусусийлаштириш шарти бўлишини таъкидлади.
Энг даромадли ва энг кўп зарар кўрган давлат компаниялари номи эълон қилинди
Давактив 2022 йилда энг кўп фойда кўрган топ-30 ва энг кўп зарар кўрган топ-20 та давлат улуши бўлган компаниялар рўйхатини эълон қилди. «Миллий электр тармоқлари» энг кўп зарар кўрган компания бўлди. 2021 йилда фойда билан чиққан «Темир йўллар» ва ҲЭТ ҳам катта зарар кўрди.
«Биокимё» ва «Андижон биокимё заводи» АЖлардаги давлат улушини хусусийлаштириш бошланди
Давактив «Биокимё» АЖ устав капиталидаги 51 фоиз ва «Андижон биокимё заводи» АЖдаги 76 фоиз давлат улушини хусусийлаштириш жараёни бошланганини эълон қилди. Корхоналарнинг устав фонди 9,6 млрд ва 24 млрд сўм, иккала заводнинг ҳам ишлаб чиқариш қуввати йилига 1,83 млн декалитрни ташкил этади.
«Ўзагроэкспортбанк» ҳукуматнинг «ёпиқ» қарори билан, тендерсиз хусусийлаштириляптими?
«Ўзагроэкспортбанк»даги давлат улуши ҳукуматнинг «ёпиқ» қарорига асосан танловсиз хусусий корхонага ўтказилиши мумкин. Марказий банк, Молия вазирлиги ва Давактив вазиятга изоҳ бермаяпти. Давлат банкнинг муаммоли кредитларини янги эгасига топширишдан олдин ҳам ҳисобдан чиқариши мумкин эди.
Uzcard яна хусусийлаштирилди
Бешта банкка тегишли бўлган Uzcard процессинг марказидаги давлат улушининг 75 фоизи компаниянинг тўрт нафар таъсисчисига ўтказилди. Давлат активларини боқшариш агентлиги ҳали келишув тафсилотларини ошкор қилмади.
Paynet тўлов тизимини хусусийлаштириш жараёни бошланди
Давлат активларини бошқариш агентлиги «Uzpaynet» МЧЖ устав капиталидаги давлатнинг 100 фоизлик акцияси сотилаётганини эълон қилди. Хусусийлаштириш бўйича консультант сифатида ABRAU CAPITAL ва CENTIL компаниялар консорциуми танланди.
Чорвоқдаги «Пирамидалар» дам олиш маскани 208 млрд сўмга сотилди
Чорвоқ сув омборининг чап қирғоғида жойлашган «Чорвок оромгоҳи» («Пирамидалар») дам олиш маскани 208 млрд сўмга сотилди. Тендерда VIP Logistics ғолиб бўлди.
Paynet тўлов тизимини хусусийлаштиришга тайёргарлик кўрилмоқда
Давлат активларини бошқариш агентлиги Uzpaynet компаниясини хусусийлаштириш мақсадида консалтинг компанияларни жалб этишни режалаштирмоқда. Давлат ўзининг 100 фоиз улушини сотиш ниятида. Компания ҳозирда 390 дан ортиқ хизматларни кўрсатади, у 2021 йилда 94,6 млрд сўм соф фойдани қўлга киритган.
Юридик ва жисмоний шахсларга доимий фойдаланиш ҳуқуқида ер участкаларини хусусийлаштириш бошланди
Давлат активларини бошқариш агентлиги юридик ва жисмоний шахсларга доимий фойдаланиш ҳуқуқи асосида ер участкаларини хусусийлаштириш бошланганини маълум қилди. Аризалар Давлат хизматлари марказлари ёки ягона интерактив давлат хизматлари портали орқали қабул қилинади.
Давлат «Қизилқумцемент»ни бозор нархидан арзонроққа сотган. Инвестор келишувнинг шаффоф бўлмаганини айтди
Яқинда Кипрнинг United Cement Group компанияси «Қизилқумцемент»даги давлат улушини 1,89 трлн сўмга (қарийб 175 млн долларга) сотиб олиб, Ўзбекистондаги цемент заводлари сонини 3 тага етказди. Fusion Wealth Management менежери Майкл МакГофи ҳукумат активни бозор қийматидан 20 фоизга арзонроққа сотиб, «хусусийлаштириш дастурини шубҳа остига қўйгани»ни таъкидлади. У келишувни шаффоф эмас деб атади ва кўпроқ таклиф қилишга тайёр ўйинчилар борлигини маълум қилди.
Энг кўп ўқилган хабарлар | Сўнгги янгиликлар
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
- «Тақиқлар амалда ишламаяпти». Ўзбекистонда букмекерлик фаолиятини қонунийлаштиришдан мақсад нима? (1)
- Бош прокуратура Ниғматилла Йўлдошев ва қидирувдаги тадбиркор ўртасидаги суҳбат видеосига изоҳ берди
- Ўзбекистон футболчилари U-23 Осиё кубоги ярим финалига чиқди (+ видео)
- Яккасарой тумани ҳокимияти ҳуқуқшуноси мактаб бассейнида чўмилган вақти вафот этди
Қўшимча имкониятларга эга булиш учун сайтда рўйхатдан ўтинг